”پۆرتڕێت” وه‌ك ستایلی هونه‌ری له‌ كاتی ڕێنێسانس ده‌ستی پێ كرد. هونه‌رمه‌ندان ده‌یانویست وێنه‌یه‌ك له‌ و چركه‌یه‌ دا بگرن. به‌ڵام ئه‌و چالاكییه وه‌ختێكی زۆری پێ ده‌ چوو و كێشانی وێنه‌یه‌ك به‌ ١ یا ٢ حه‌فته ش‌ ئاماده‌ نه‌ده‌بوو. ئێشتا ئه و هونه‌ره‌ هه‌ر ماوه‌ به‌ڵام خه‌ڵك زۆرتر به‌ كامێرا وێنه‌ یا ”سێلفی” ده‌گرن.

هونه‌رمه‌ندێك كه‌ له‌سه‌ر ستایلی ”پۆرتڕێت” كاری كردوه‌، ”ئێما مۆرێن”. ئه‌و له‌ شاری ستۆكهۆڵم له‌ دایك بوه‌ و له‌ خوێندنگای هونه‌ری شاری ڤێسترۆس ده‌رسی خوێندوه‌. پێشتریش له‌ زانكۆی بورۆس ده‌رسی خه‌یاتی خوێندوه‌ و هه‌روه‌ها له‌ ‌گه‌ڵ فەشێن و مۆده‌ كاری كه‌ردوه‌.

ڵه‌گه‌ڵ ”ئێما” باسی ستایلی ”پۆرتڕێت” ده‌كه‌ین كه‌ ئه‌و چۆن وێنه‌ی خۆی دروست كردوه‌. پۆرتڕێتی ئه‌و جودایه‌ له‌ ئه‌وانه‌ی پێش خۆی. ”ئێما” له‌ ناو هونه‌ره‌كه‌ی دا فكر و بۆچوونی خۆی نیشان داوه‌ و ده‌ڵێ هه‌ر پۆرتڕێتی خۆم نییه‌ به‌ڵكوو پۆرتڕێتی هه‌موو مرۆڤایه‌تییه‌:

من زۆر له‌ به‌رهه‌مه‌كانم له‌سه‌ربابه‌تی تێكدانی ژینگه و به‌كارهێنانه‌وه‌ی شتومه‌كی به‌كارهاتو دروست ده‌كه‌م. –

بۆ ئه‌و به‌رهه‌مه تازه‌م‌ هێندێك كه‌ره‌سه‌م له‌ ده‌ره‌وه‌ هه‌ڵگرتبۆوه‌. وێنه‌ی خۆم گرتوه‌ و خستومه‌ته‌ سه‌ر پارچه‌ قوماشێك و به‌ ده‌ست دروومانم له‌سه‌ركرد‌وه‌. ئه‌و كه‌سه‌ی ناو وێنه‌كه كه‌ له‌ نایلۆن ساز بوه‌ ده ‌بێته‌ مرۆڤێكی دیكه‌.‌

”ئێما” له‌گه‌ڵ پارچه‌ و سێرامیك وێنه‌ و ڤیدیۆ كاری كردوه‌. پۆرتڕێتی ئه‌و هه‌م ئاواته‌كانی تێدایه‌ و هه‌م سه‌رچاوه‌ی ئیلهامی ئه‌وی تێدایه‌. یه‌كێك له‌و هونه‌رمه‌ندانه‌ كه‌ ”ئێما” ئیلهامی لێ وه‌رگرتوه‌‌ ناوی ”فریدا كاهلۆ”، كه‌ ئه‌ویش خۆی زۆربه‌ی به‌رهه‌مه‌ هونه‌ریه‌كانی پۆرتڕێت بوون.

– من پۆرتڕێتكم درووست كردوه‌ له‌ روو ”فریدا كاهلۆ”. خۆم كردوه‌ به‌ دووانه‌ی ئه‌و. هه‌رچه‌ند ”فریدا كاهلۆ” ناخۆشی هه‌بوو له‌ ژیانی دا ئه‌و هه‌رگیز ده‌ستی له‌ هونه‌ره‌كه‌ی هه‌ڵنه‌گرت و‌ ئه‌وه‌ شتێكی زۆر گرینگه‌ بۆ من.

له‌ ”ئێما” ده‌پرسم كه ئایا‌ ئه‌و هه‌ستی نێزیكی ده‌كات له‌ به‌سه‌رهاتی ژیانی هونه‌رمه‌ند ”فریدا كاهلۆ” و ئایا ئه‌و هونه‌ر وه‌كوو ده‌رمانێك ده‌بینی بۆ هێشی ناو دڵی.

– ده‌ڵێ به‌ڵێ، وه‌ك ئه‌و منیش داخی خۆم هه‌یه‌ و زۆر كارم كردوه‌ له‌سه‌ر نه‌خۆشی ده‌روونیی. هه‌ر له‌ به‌رئه‌وه‌ش‌ من ده‌ستم به‌ پۆرتڕێت كێشان كرد. شێوه‌یه‌ك بو بۆ من كه‌ بتوانم خۆم ئارام بكه‌مه‌وه‌. ئه‌و كات كه‌ پۆرتڕێتم ده‌كێشاوه‌، یه‌كسه‌ر حاڵم باشتر بووه‌.

كێشانی پۆرترێتی هونه‌رمه‌ندانی كۆن له‌وانه‌یه‌ زۆر جیاواز نه‌بێت له‌ وێنه‌گرتن به‌ كامێرای مۆبایل، یا وه‌كوو

”ئێما مۆرێن” كه‌ زۆربه‌ی ستایلی تێكه‌ڵ كردوه‌. ئه‌و جۆره‌ هونه‌ره‌ له‌ بناخه‌ دا ئاره‌زوویه‌كه‌ بۆ مرۆڤ كه‌ به‌ دڵی خۆی، خۆی نیشان بدات و به‌ وێنه‌ی خۆی بتوانی خه‌ون و هیواكانی و ئه‌و شتانه‌ی كه‌ فه‌كریان لێ ده‌كاته‌وه‌ نیشان بدات به‌ ده‌ورووبه‌ری. ”ئێما” دوایی ده‌ڵێت‌:

– هونه‌ر زۆر پێویسته‌‌ بۆ مرۆڤ، ئه‌گه‌ر من له‌ ڕێگای هونه‌ره‌وه‌ ئه‌و شتانه‌ی ناو دڵم ده‌رنه‌بریبایه‌ ئێستا لێره‌ نه‌ده‌بۆم.